مصر شئنا ام ابينا هي ام العرب ورمانه ميزان قوتهم
ولانها ام فطبيعي ان يبقى فيه في ولادها الصاالح والطالح اما الصالح فربنا يكمله بعقلة ويزيده صلاح اما بقى الطالح وقليل الادب لازم يتربى وينضرب والعصا لمن عصى .
بس السؤال لو ابني غلط في الجيران مثلا اسيب الجيران يأدبوه ولا اقولهم محدش يجي جنبه ده ابني وانا اللي هربيه علشان كده اما الابن بيغلط بيجري على حضن امه رغم انه عارف انها هتعاقبة في النهاية بس لانها بتديلوا الامان كل مرة بيلجألها.
احنا في السنين اللي فاتت سبنا غيرنا يربي ولادنا اللي بيغلطوا فالنتيجة انهم بقوا شايفين اننا مش الملجأ اللي هيحتموا فيه من الخطر وكل واحد بقى بيعمل اللي هو عايزة وطلع من فلسطين حماس ومصر فيها الاخوان وكل بلد فيها جماعة هما في الاصل منا ولادنا لكن طبعا لاسباب سياسية واقتصادية والمصالح اللي بين اصحاب المصالح خدناهم اعداء وبقوا اشد عداوة من العدو الحقيقي والاعلام بتاعنا ما شاء الله - لو بس يبزل نص الجهد اللي بيبزله لتشويه شخص او جماعة في تحسين الادائه كان هيبقى عندنا اعلام حقيقي بس لازم يبقى موجه مع اي حد وضد اي حد بيعرفش يبقى موضوعي - بيصور ولادنا اللي بيغلطوا على انهم اعداء ويهلل للعدو اما يضربهم مبدأ عدو عدوي صديقي ونسيوا انهم ولادنا حتى لو كانوا سفاحين
مش طبيعي اني ابقا متخانق مع اخويا فيجي واحد غريب يضرب اخويا فاقف اتفرج ولا اروح اضرب اخويا مع الغريب اما كنتوا بتربونا على انصر اخاك ظالما او مظلوما ليه كنتوا بتقولونا انا واخويا على ابن عمي وانا وابن عمي على الغريب ليه ولا هو كلام وخلاص ولا هي حاجة تانية زي مثلا ان العيال كلها اتغيرت وكل واحد اتغير بشكل مختلف واحد سفاح وواحد فاسد زمته وواحد باع كل حاجه فطبعا كل دول مش يتفقوا غير على الخراب اما الصلاح فيجي منين وسط كل دول
المهم اننا لازم نرجع زي الاول ونقول ادعي على ابني واكره اللي يقول امين لو الاخوان غلطوا يتادبوا ولو حماس غلطت تتأدب ولو قطر غلطت بس بيدي لا بيد عمرو لازم منسمحش لاي حد من بره يأدب ولادنا واخواتنا لان الغريب ديما بيبقى ديب جعان عايز ينهش لحمنا وهما في الاول وفي الاخر اخواتنا .
محدش سال نفسه حماس بتجيب منين الصواريخ اللي بتضربها في الهوا ناحية اسرائيل لما المفروض ان اسرائيل قافله المعابر ومصر كمان قافلة المعابر وبتهد الانفاق انا رأي ان اللي بيخلي الصواريخ متجيش ناحية الاماكن السكنية في اسرائيل هو نفسه اللي بيدي لحماس السلاح هو نفسه اسرائيل لان المبدأ معروف لازم يبقى فيه عدو علشان يبقى فيه حرب ولازم يبقى فيه حرب علشان مصانع السلاح تشتغل وتنتج وتبيع والناس تفضل مرعوبه فتسمع الكلام
وحسبنا الله ونعم والوكيل
