للمرة العاشرة تفجير خط الغاز

اللي يفكر في موضوع خط الغاز لازم يسأل هو لية الناس بتفجر خط الغاز رغم ان الحكومة والمجلس العسكري وعدوا بانهم يحلوا المشكلة
الاجابة لاننا مش بنصدق لا الحكومة ولا المجلس العسكري
طب المتفجرات بتيجي منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في حالة حدوث حرب

كان مكتوب على النت من كام يوم ان فيه صحفي انجليزي شاف صورة واحد مصري من الثوار وقعت جانبة قنبلة غاز راح شيلها وحدفها تاني للي رموها وقال تعقيبا على هذا ان ده حال المصريين مع بعضهم فما بالنا لو مصر دخلت حرب والشباب دول كانوا بيوجهوا الاعداء
عجبني الكلام لكن لما فكرت سألت نفسي طب هو مين اللي هيقود الشباب الخطير ده كانت الاجابة المجلس العسكري
المجلس العسكري اللي اتيحت له كل وسائل ادارة الدول بامان ونظام  وراح مضيعها علشان الرئيس المخلوع واعوانه
بدل ما يحمي الديمقراطية (حكم الشعب ) بيحابي للدكتاتورية (حكم الفرد الواحد)
ربنا يرحمنا ويسترها علينا

الشرطة

هو  اية مشكلة الشرطة في مصر
انهم مش عارفين يشتغلوا ولا انهم مش عايزيين يشتغلوا
انا مش قادر افهم ليه التراخي غير المبرر في حسم الازمات
حد يفهمنا

لسان حال حزب الكنبة الصامت يوم النتخابات

http://www.4shared.com/audio/D5oPT8M8/Gedar_elqlb_Outro.html

دعاء الى الله

اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك0

انتخابات مصر

الانتخابات المرة دي مختلفة
لازم نعرف اننا لما نختار المرشح مش فاحنا محتاجين مرشح يقدر يساعدنا في وضع دستور جديد
مينفعش ان المرشح يكون عضو خدمات بمعنى ان فيه اعضاء بتعمل خدمات لابناء الدائرة الانتخابية بصرف النظر عن مشاكل المجلس وطبعا الناس بتنتخبهم لانهم بيخلصلولهم مصالحهم وده اللي بيهم الناس (في النظام القديم)
لكن في الانتخابات اللي احنا فيها معموله اصلا علشان برلمان يعمل الدستور الجديد وبالتالي لازم اللي يحط الدستور ده لازم يكون بيفهم في القانون او على الاقل عنده رؤية سياسية معروفة.
الدستور الجديد المفروض انه يفضل على الاقل 30 سنة قبل ما نفكر نغير فيه

وده طبعا يعني ان جيل الثورة يكون غالبا طلع على المعاش

يبقى لازم نفكر قبل ما نختار اي مرشح او اي حزب
والله الموفق

السياسة في مصر

مصر مفهاش سياسة من بعد اتفاقية كامب ديفيد
وده واضح من خلال الاحداث اللي جت بعد كده
مفيش اي نوع من انواع الفكر السياسي
اصبحت السياسة في الكتب والجامعات فقط
بعد ما كان كل الناس بتفهم في السياسة من اقل عامل لاكبر رئيس وزراء بيتكلم ويفهم في السياسة
وبطبيعة الحال المجلس العسكري مش بره الموضوع ده
المجلس العسكري في 1952كان جي في وقت كل الناس بتفهم سياسة ، اقل حد ممكن يعرف الوزارة هتتشكل ازاي ومين اللي ممكن يجي فيها
المجلس العسكري 2011  اتاثر بعدم وجود وعي سياسي في البلد وفيه هو نفسه (الضعف الرؤية السياسية ) فبدأ يمشّي الموضوع حسب نظام كان شايف انه صح لكن تأتي الرياح بما لا تشتهي السفن
نظرية حسن النية بتقول ان ضعف الخلفية السياسية للمجلس العسكري هو اللي اتسبب في احداث نوفمبر
لكن نظرية المؤامرة بتقول اننا اتنصب علينا بعد ثورة يناير انضحك علينا لاننا كنا فاكرين ان البلد هتتحسن لكن مفيش تغيير
ليه لان مفيش تغيير في النظام راح الرئيس وجه المشير خلفية الرئيس ( في 67 راح المشير وفضل الرئيس)
انا مش بفهم في السياسة بطبيعة الحال
لكن لازم اقول على الاقل اللي انا حاسة

العلم

اول شئ لازم نعملة هو العلم والبحث العلمي
اول ايات القرآن أقرأ
لا تبنى الحضارات الا بالعلم
لازم نرفع شعار امة في خطر
لازم المدرسين يعرفوا ان التعليم رسالة قبل ما تكون وظيفة ، يعني لازم يعلموا الطلبة الاول
لازم نعلم الاخلاق
لازم نتعلم اهمية العلم قبل العلم نفسه
وقال عمر بن عبد العزيز
كن عالما
فان لم تستطع فكن متعلما
فان لم تستطع فاحبهما
فان لم تستطع فلا تكرهما
لازم نعود الطفال على حب المعرفة

ماذا نريد من مصر

نريد من مصر  وماذا سنقدم في المقابل